Antifonte mente del colpo di stato dei Quattrocento

Ην δε ο μεν την γνωμην ταυτην ειπων Πεισανδρος, και ταλλα εκ του προφανους προθυμοτατα ξυγκαταλυσας τον δημον· ο μεντοι απαν το πραγμα ξυνθεις οτω τροπω κατεστη ες τουτο και εκ πλειστου επιμεληθεις Αντιφων ην ανηρ Αθηναιων των καθ' εαυτον αρετη τε ουδενος υστερος και κρατιστος ενθυμηθηναι γενομενος και α γνοιη ειπειν, και ες μεν δημον ου παριων ουδ' ες αλλον αγωνα εκουσιος ουδενα, αλλ' υποπτως τω πληθει δια δοξαν δεινοτητος διακειμενος, τους μεντοι αγωνιζομενους και εν δικαστηριω και εν δημω πλειστα εις ανηρ, οστις ξυμβουλευσαιτο τι, δυναμενος ωφελειν. Και αυτος τε, επειδη μετεστη η δημοκρατια και ες αγωνας κατεστη τα των τετρακοσιων εν υστερω μεταπεσοντα υπο του δημου εκακουτο, αριστα φαινεται των μεχρι εμου υπερ αυτων τουτων αιτιαθεις, ως ξυγκατεστησε, θανατου δικην απολογησαμενος.