Eroismo di due fratelli Aquitani VERSIONE CESARE

hostes, simul ac nostros equites conspexerunt, impetu facto, eos celeriter perturbaverunt. rursus nostris resistentibus, consuetudine sua ad pedes desiluerunt et, subfossis equis compluribusque nostris deiectis (desarcionati), reliquos in fugam coniecerunt atque ita perterrutos egerunt(incalzarono) ut non prius fuga desisterent quam in conspectu agminis nostri venissent. in eo proelio ex equitibus nostris interficiuntur quattuor et septuaginta;in his vir fortissimus, Piso Aquitanus, amplissimo genere natus, cuius avus in civitate sua regnum obtinuerat et amicus a senatu nostro appellatus erat. hic, cum fratri intercluso ab hostibus auxilium ferret, illum ex periculo eripuit, ipse equo vulnerato deiectus, quoad potuit fortissime resistit. cum, circumventus, multis vulneribus acceptis, cecidisset atque id frater, qui iam proelio excesserat, procul animadvertisset, incitato equo, se hostibus obtulit atque interfectus est.