Suggerimenti per costruire la casa in campagna

Mondo Latino, pagina 486 versione numero 41

Potissimum villam tuam pone sub radicibus montis silvestris, ubi pastiones sint laxae et contra ventos, qui saluberrimi in agro flabunt. Villa posita ad exortus aequinoctiales aptissima est, quia aestate habet umbram, hieme solem. Sin cogaris secundum flumen villam aedificare, cave ne ponas eam adversum aquas: hieme enim erit vehementer frigida, aestate non salubris. Cave quoque ne sint loca palustria, quia ibi crescunt animalia minuta, quae videre oculi non possunt, et per aera intus in corpus per os ac nares perveniunt atque efficiunt difficiles morbos. Potius in sublimi loco aedifices: villa salubrior est quod a sole toto die illustratur, et bestiolae aut efflantur aut aritudine cito opprimuntur. Nimbi repentini ac torrentes fluvii periculosi sunt iis qui in humilibus ac cavis locis aedificia habent.