Testamentum Porcelli

Incipit testamentum porcelli. Marcus Grunnius Corocotta porcellus testamentum fecit. "Quoniam manu mea scribere non potui, scribendum dictavi". [...] Grunius, ut vidit se moriturum esse, horae spatium petiit et cocum rogavit, ut testamen- tum facere posset.

Clamavit ad se suos parentes, ut de cibariis suis aliquid dimitteret eis. Qui ait: "Patri meo Verrino Lardino do lego dari glandis modios XXX et matri meae Veturinae Scrofae do lego dari Laconicae siliginis modios XL et sorori meae Quirinae, in cuius votum interesse non potui, do lego dari hordei modios XXX. Et de meis visceribus dabo donabo sutoribus saetas, rixoribus capitīnas, surdis auriculas, causidicis et verbosis linguam, bubulariis intestina, isiciariis femora, mulieribus lum- bulos, pueris vesīcam, cursoribus et venatoribus talos, latronibus ungulas.

Et nec nominando coco legato dimitto popiam et pistillum, quae mecum abstulèram; de Thebeste usque ad Tergeste liget sibi colum de reste. Et volo mihi fieri monumentum ex litteris aureis scriptum: "M. GRUNNIUS COROCOTTA PORCELLUS VIXIT ANNIS DCCCCXCVIIII S(EMIS). QUODSI SEMIS VIXISSET, MILLE ANNOS IMPLESSET". Optimi amatores mei et consules vitae, rogo vos ut cum corpore meo bene faciatis, bene condiatis de boni condimentis nuclei, pipěris et mellis, ut nomen meum in sempiternum nominetur.

Mei domini et consobrini mei, qui testamento meo interfuistis, iubēte signari”. Lario signavit. Ofellicus signavit. Cyminātus signavit. Lucanicus signavit. Tergillus signavit. Celsinus signavi Nuptialicus signavit. Explicit testamentum porcelli sub die XVI Kal. Lucerninas Clibanāto et Piperāto consulibus feliciter. RICHIEDI
TRADUZIONE

Versione tratta da San Gerolamo