Perseus, Macedonum rex, cum captus esset cum filio, ad Aemilium Paulum consulem perductus est ...

Perseus, Macedonum rex, cum captus esset cum filio, ad Aemilium Paulum consulem perductus est. Ad nullum spectaculum tanta multitudo unquam accurrit. Rex captivus prae turba militum procedere non potuisset, nisi consul lictores misisset, qui populum submoverent et regi iter ad praetorium aperirent. Aemilius Paulus ut Perseum vidit, surrexit et regi intranti manum porrexit eumque, ad sua genua procumbentem, erexit. Rex oculos submiserat nec quicquam dicebat, sed flebat. Tum consul: «Si mihi credideris, populi Romani clementia tibi tuoque filio adparebit». Deinde ad suos se convertit et dixit: «Si bene rem consideratis, ante vos videtis exemplum insigne rerum humanarum mutationis. Nemo enim in quemquam superbe se gerere debet, quia fortuna semper mutabilis est». (da Livio)